Servizos

Todo o que se asina ante notario

Dez materias, un mesmo criterio: explicámoslle que se asina antes de asinalo, e a notaría ocúpase do que vén despois, do Rexistro a Facenda.

Compravenda de vivenda

Arras, compravenda e subrogación. Compróbanse cargas, débedas da comunidade, IBI e situación arrendaticia antes da sinatura.

Acta previa de transparencia, escritura de préstamo, novación e cancelación. A acta previa é obrigatoria e non ten custo para quen a recibe.

Declaración de herdeiros, aceptación e adxudicación, e partición. Coa particularidade galega da apartación e o pacto de mellora.

Testamento aberto no día, con cita. En Galicia cabe ademais o testamento mancomunado entre cónxuxes e o testamento por comisario.

Xerais, para preitos, para vender ou para operacións concretas. Tamén poderes preventivos para prever unha futura perda de capacidade.

Constitución, cambios de administrador, ampliacións de capital, contas e disolución. Con envío telemático ao Rexistro Mercantil.

Capitulacións matrimoniais, réxime económico, liquidación de gananciais, divorcio de mutuo acordo e parellas de feito.

Actas de presenza, de manifestacións e de notoriedade, lexitimación de sinaturas, testemuños e compulsas.

Xura de nacionalidade, cartas de invitación, reagrupación familiar, autorizacións de viaxe e poderes con apostila.

Obra nova, división horizontal, cambio de uso, segregación, agrupación e disolución de condominio.

As páxinas de detalle de cada servizo e a documentación dos 48 trámites están, polo de agora, en castelán. Na notaría atendémolo en galego.